Правила на заедницата

Секоја форма на расистички, хомофобичен или дискриминаторски говор е строго забранета. Не напаѓај луѓе заради нивниот идентитет, потекло, вера или ориентација. Коментарите кои навредуваат или понижуваат ќе бидат отстранети без претходно предупредување.

Забрането е масовно испраќање на иста или слична порака и рекламирање на производи, услуги или надворешни сајтови без дозвола. Повторливите непотребни постови ќе бидат отстранети и третирани како спам.

Не споделувај свои, ниту туѓи лични информации: телефонски броеви, адреси, е-маил адреси, лозинки или кои било детали кои можат да идентификуваат личност. Ова важи и за фотографии кои ја откриваат локацијата или идентитетот на некого.

Секоја содржина со сексуален или насилен карактер е строго забранета. Исто така, забрането е промовирање на алкохол, дрога, тутун или кое било ризично однесување. Платформата е наменета исклучиво за средношколци на возраст 14–19 години.

Не снимај, не фотографирај и не споделувај информации за конкретни луѓе без нивна изрична согласност. Доколку некој корисник сака да остане анонимен, целосно почитувај ја таа одлука. Прекршувањето на приватноста на другите е основа за бан.

Несогласувањето е нормално и добредојдено - навредувањето и личните напади не се. Дебатирај содржински, со аргументи и без омаловажување. Запомни дека зад секој профил стои вистинска личност која, исто како и тебе, има чувства.

Прекршоците на правилата водат кон следниве санкции, со зголемување при повторување:

• Прв прекршок - писмено предупредување
• Втор прекршок - привремен бан од 7 дена
• Трет прекршок - траен бан
• Тешки прекршоци (закани, говор на омраза, злоупотреба на малолетни) - директен траен бан без предупредување

Секоја објава и коментар има опција „Пријави" за да испратиш пријава до модераторскиот тим. Пријавите се анонимни и се разгледуваат во рок од 24 часа.

Ако ситуацијата е итна или се однесува на безбедноста на некого, контактирај нè на kontakt@srednoskolskiglas.mk.